28 ақпан мен 1 наурыз аралығында Алматыда XIV Халықаралық Еуразиялық фармацевтикалық форумы өтті. Оның аясында дәрілік заттарды таңбалау және қадағалау жүйесін енгізудің ерекшеліктері мен даму перспективаларына арналған практикалық фокус сессиясы өтті.
Іс-шара алаңында форумға қатысушылар Қазақстан, Беларусь және Өзбекстанның фармацевтикалық нарығындағы жетекші ойыншылармен – реттеушілер, халықаралық және жергілікті фармацевтикалық өндірушілер, дистрибьюторлар және дәріханалар желілердің өкілдерімен кездесіп, бүгінгі таңда саланың алдында тұрған өзекті мәселелерді талқылап, одан әрі даму жолдарын болжады.
Форум алаңындағы негізгі талқылау тақырыптары: еуразиялық фармацевтикалық нарықтарды жаңа шындыққа бейімдеу тәжірибесі, Қазақстан Республикасындағы фармацевтикалық қызметті реттеудегі негізгі өзгерістер, ЕАЭО және ТМД елдеріндегі фармацевтикалық өнеркәсібі үшін ынтымақтастық ландшафтының өзгеруі, фармацевтика саласының бағасын реттеу, ақауларды алдын алу, инновациялық препараттар нарығына қол жеткізу.
Форумның бірінші күнінде қатысушылар Еуразияның фармацевтикалық нарықтарын жаңа шындыққа бейімдеу тәжірибесін, бірыңғай нарықтың фармацевтикалық қызметін реттеудегі негізгі өзгерістерді, Еуразия елдеріндегі бағаны реттеу тәсілдерін, аймақ және тағамдық қоспалар саласының даму перспективаларын талқылады.
Екінші күні талқылаудың негізгі тақырыптары зияткерлік меншікті қорғау, ЕАЭО және ТМД елдеріндегі клиникалық сынақтарды өткізудегі кедергілер мен мүмкіндіктер, сондай-ақ, дәрілік заттарды таңбалау және бақылау жүйесін дамыту перспективалары болды.
Таңбалау жүйесін енгізу ерекшеліктері мен даму перспективаларына арналған сессия барысында Тауарларды таңбалау және қадағалау жөніндегі бірыңғай оператор жобалық кеңсесінің бас директоры Бикеш Құрманғалиева Қазақстанда дәрілік заттарды цифрлық таңбалауды енгізу туралы айтты.
«Қазақстан дәрілік заттарды таңбалауды және бақылауды кезең-кезеңімен енгізу туралы шешім қабылдады. Бұл фармацевтикалық өнім айналымына қатысушылардың өз инфрақұрылымын, IT жүйелерін дайындауы, оператормен интеграциялануы және т.б. үшін жасалынған. Сонымен қатар, Қазақстан дәрі-дәрмектің қолжетімділігіне, сондай-ақ, таңбалауға байланысты олардың нарықтан кетуіне байланысты проблемаларды болдырмауға тырысады», — деп бөлісті Бикеш Құрманғалиева.
Қазіргі уақытта тауарларды таңбалау және қадағалау ақпараттық жүйесін (ТТҚ АЖ) өндірушілердің, импорттаушылардың, медициналық ұйымдардың және емхана дәріханаларының АЖ-мен, Қазақстан Республикасы Денсаулық сақтау министрлігімен (ДҚАЖ және БК), БФАЖ, ЭШФ (электрондық шот-фактуралар) интеграциялануда, МЖ (мекенжай регистрі) әзірленуде, ФДО (фискалдық деректер операторы) және т.б. жүйелермен жұмыс жүргізілуде.
Еске салайық, дәрілік заттарды міндетті таңбалау 2022 жылдың 1 шілдесінен бастап енгізілді және қазіргі уақытта дәрі-дәрмектің 90 түріне қолданылады. Қазақстан Республикасының Денсаулық сақтау министрі Ажар Ғинияттың төрағалығымен өткен Дәрілік заттарды таңбалау және қадағалау жөніндегі кеңестің қорытындысы бойынша 2024 жылдың 1 шілдесіне дейін дәрілік заттарды 100% таңбалау және қадағалауды іске қосу туралы тараптар арасында алдын ала келісімге қол жеткізілді.
Цифрлық экономиканы дамыту орталығының баспасөз қызметі
Баспасөз хатшысы Алтынгүл Жанабай
