Департаментпен мемлекеттік қызмет көрсету бағытындағы нормативтік құқықтық актілерді талдау барысында келесі мән-жайлар анықталды.
«Объектілерді кейіннен кәдеге жарату (ғимараттар мен құрылыстарды бұзу) жөніндегі жұмыстар кешенін жүргізуге рұқсат беру» мемлекеттік қызмет көрсету стандартына сәйкес, Мемлекеттік қызмет көрсету үшін қажетті құжаттардың тізбесінде: ғимараттар мен құрылыстардың сенімділігін және орнықтылығын техникалық зерттеп-қарауды жүзеге асыру құқығына тиісті аттестаты бар сарапшы не құрамында аттестатталған сарапшылары бар аккредиттелген ұйым берген ғимараттар мен құрылыстардың сенімділігін және орнықтылығын техникалық зерттеп-қарау жөніндегі сараптамалық қорытындының электрондық көшірмесі ұсынылады деп көрсетілген.
Сәйкесінше, «Ғимараттар мен құрылыстардың сенімділігін және орнықтылығын техникалық зерттеп-қарауды жүзеге асыру қағидалары» Қазақстан Республикасы Ұлттық экономика министрінің 2015 жылғы 19 қарашадағы № 702 бұйрығымен бекітілген.
Ал аталған қызмет түрі, Қазақстан Республикасы Индустрия және инфрақұрылымдық даму министрінің 2021 жылғы 29 сәуірдегі № 202 бұйрығымен бекітілген мемлекеттік көрсетілетін қызметтер тізіліміне енгізілмегендігі анықталды.
Осыған байланысты, қызметтер жүйесін жетілдіру мақсатында аталған қызметті, мемлекеттік көрсетілетін қызметтер тізіліміне енгізу бойынша тиісті мемлекеттік органдарға ұсыныстар жолданатын болады.
Жасырын қызметтерді анықтау жұмыстары жалғасуда
