Кәмелетке толмаған балалардың, әрекетке қабілетсіз немесе әрекет қабілеті шектеулі кәмелетке толған азаматтардың заңды өкілдері енді eGov.kz порталының көмегімен жылжымайтын мүліктің бар екені және оған тіркелген құқықтар (ауыртпалықтар) туралы анықтама ала алады. Бұл қызмет жылжымайтын мүлік туралы мәліметтерді алу процесін едәуір жеңілдетеді және оларды әртүрлі санаттағы азаматтар үшін едәуір қолжетімді етеді.
Мемлекеттік қызмет енді үшінші тұлғаларға, атап айтқанда 18 жасқа толмаған баланың (оның ішінде қорғаншылық пен қамқоршылықтағы) қамқоршыларына және әрекетке қабілетсіз немесе әрекет қабілеті шектеулі кәмелетке толған тұлғалардың заңды өкілдеріне қолжетімді.
6-нысан бойынша анықтама өтініш берушінің атында жылжымайтын мүліктің бар немесе жоқ екенін растайды, ал 2-нысан бойынша анықтама объектіге меншік құқығы және тыйым салу немесе кепіл сияқты ауыртпалықтардың болуы туралы мәліметтерді қамтиды. Бұл мәліметтер жылжымайтын мүлік мәмілелері, кредит алу, тұрғын үй бағдарламаларына қатысу және басқалар сияқты әртүрлі заңды және әкімшілік процедуралар үшін қажет.
Заңды өкілдер анықтамаларды алу үшін:
— eGov.kz порталында авторизация жасауы және «Жылжымайтын мүлік» – «Сатып алу, сату, жалға алу» бөліміне өтуі;
— қажетті қызметті таңдауы: «Ф-6 анықтамасы (жылжымайтын мүліктің бар екені туралы)» немесе «Ф-2 анықтамасы (ауыртпалықтардың, кепілдің, жылжымайтын мүлікке тыйым салудың жоқ екені туралы)»;
— «Қызметті алу» тармағында «Балаға (18 жасқа дейін, оның ішінде қорғаншылық пен қамқоршылықтағы)» немесе «Заңды өкілге (әрекетке қабілетсіз немесе әрекет қабілеті шектеулі кәмелетке толғандарға)» таңдауы;
— қажетті өрістерді толтыруы;
— өтінімге қолжетімді әдістердің бірімен қол қоюы қажет.
Пайдаланушы қызметтің нәтижесімен Жеке кабинетке өту арқылы таныса алады.
Қызмет ҚР Оқу-ағарту министрлігінің, ҚР Еңбек және халықты әлеуметтік қорғау министрлігінің, ҚР Цифрлық даму, инновациялар және аэроғарыш өнеркәсібі министрлігінің Мемлекеттік қызметтер комитеті және «Ұлттық ақпараттық технологиялар» АҚ-ның бірлескен жұмысының арқасында іске асырылды.
«ҰАТ» АҚ Қоғаммен байланыс басқармасы
