«British Council» ұйымы жүргізген «Қазақстанның болашақ ұрпағы» зерттеуінің нәтижелері жарияланды. Зерттеу аясында ұйым бүкіл әлем бойынша жастардың пікірлерін білдіру үшін «Next Generation» («Болашақ ұрпақ») платформасын ұсынады, бұл олардың пікірін білуге және олардың ұмтылыстары, проблемалары және қоғамның өзгеруі мен қалыптасуындағы рөлі туралы түсінік алуға мүмкіндік береді.
Зерттеу Қазақстанда LSE Consulting, Орталық Азия Барометрімен (ЦАБ) және жобаның консультативтік кеңесімен әріптестік шеңберінде жүзеге асырылды.
Зерттеуге 18 бен 35 жас аралығындағы 1270 жас қазақстандық қатысты: 1202 – өкілдік сауалнамаға және 68 – сұхбат пен фокус-топтарға қатысқан болатын.
Жас қазақстандықтар қоғамды жақсарту үшін білім берудің трансформациялық күшіне нық сенімді: 70%-дан астамы Білім беру жаһандық проблемаларды шешудің ең жақсы құралы деп санайды.
Жас қазақстандықтардың көпшілігі алған білімі жұмысқа орналасудағы базалық дайындығын, ал көшбасшылық, проблемаларды шешу және коммуникация қабілеттері – жұмыс орнындағы табыстың негізгі дағдыларын береді деп санайды. Тілдерді игеру, әсіресе қазақ және ағылшын тілдерін білу бәсекелестік артықшылық ретінде қарастырылады. 80%-дан астамы шет тілін үйренуді маңызды деп санайды, негізінен: жұмысқа орналасу және саяхаттау мүмкіндігі (49% бойынша), білім деңгейін көтеру (47%) және әлеуметтік байланыстарды кеңейту (47%).