Ағымдағы жылдың 17-тамызында Еңбекші ауданы Полиция басқармасының қызметкерлері мобильдік топпен бірлесіп, аудан аумағында санитарлық-эпидемиологиялық талаптардың сақталуы бойынша халық көп шоғырланатын орындарға, яғни мейрамхана, тойхана, сауда үйлеріне барып түсіндірме жұмыстарын жүргізді деп хабарлайды Шымкент қаласы Полиция департаментінің Баспасөз қызметі. Профилактикалық іс-шара барысында той-жиын мен көпшілік басқосудың салдары эпидемиологиялық ахуалдың өршуіне сеп болатыны кеңінен айтылып, ескертілді. Айта кетейік, алдағы уақытта да бұл бағыттағы түсіндірме жұмыстары және рейдтік шаралар өз жалғасын табады.
Шымкенттік полицейлер карантин режимінің сақталуы бойынша түсіндірме жұмыстарын жалғастыруда
