Еліміздің тыныштығы мен қауіпсіздігін қорғау жолында тер төгіп жүрген тәртіп сақшыларының қызметіне қолдау білдіріп, алдын алу жұмыстарына және азаматтардың құқықтық мәдениетін арттыруға қосқан үлесі үшін, сондай-ақ «БАҚ қызметкерлері» күніне байланысты оңтүстіктің үздік журналистері марапатталды.
Яғни, республикалық «Уақыт талабы» газетінің және «Ntime.kz» сайтының директор-бас редакторы Жібек Жайлыбаева, «24 kz» телеарнасының Түркістан облысындағы меншікті тілшісі Жандос Жұмабеков, осы телеарнаның телеоператоры Ерболат Әбішовке ҚР ІІМ-нің «Алғыс хаты» табысталды.
Өз кезегінде марапат иелері полицейлердің жұмысы өте ауыр, қиын әрі қауіпті екенін алға тартып, күні-түні дамылсыз атқаратын қызметтеріне сәттілік тіледі. Алдағы уақытта да елдің тұрақтылығы мен қауіпсіздігі үшін бірлесіп жұмыс жасап, жаңалықтардың жаршысы болатындықтарын жеткізді.
