2024 жылғы 19 желтоқсанда Түркия Республикасы, Нурдагы қаласы, Газиантеп провинциясында мектептің іргетасын қалау рәсімі өтті, оның құрылысын Қазақстан Республикасының Президенті Қасым-Жомарт Тоқаев бастамашылық етті.
Газиантеп провинциясы 2023 жылдың 6 ақпанында болған жер сілкінісінен ең көп зардап шеккен аймақтардың бірі болып табылады. KazAID түрік-қазақ бауырластығының символына айналатын мектеп құрылысының операторы болып тағайындалды.
Салтанатты шараға Қазақстан Республикасының Түркиядағы Елшісі Еркебұлан Сапиев, Газиантеп провинциясының губернаторы Кемал Чебер, сондай-ақ Түркияның Сыртқы істер және Білім Министрліктер мен KazAID агенттігінің өкілдері қатысты.
Бұған дейін Түркия президенті Реджеп Тайип Эрдоган Түркі мемлекеттері ұйымының саммитінде Қазақстанға қолдау көрсеткені үшін алғыс айтып өтті:
«Бұл мектеп болашақ ұрпақ адал болатын түрік-қазақ бауырластығының нышандарының біріне айналатынына сенімдімін. Қазіргі жаһандық жағдайда түркі әлемі елдері өзара іс-қимылды нығайтуға тиіс. Қазақстан маңызды қадамдар жасады және бұл құрылыс — осының жарқын дәлелі.»
2024 жылғы 19 желтоқсанда қазу және құрылыс ресурстарын жұмылдыру бойынша дайындық жұмыстары аяқталды.
Газиантеп провинциясында мектеп салу — бұл Қазақстанның жер сілкінісінен қатты зардап шеккен аймақты қалпына келтіруге қосқан елеулі үлесі және дамуға ресми көмекті іске асырудың жарқын мысалы.
KazAID баспасөз қызметі
