2021 жылғы 31 тамыз бен 6 қыркүйек аралығында Қазақстан Республикасының Қарағанды қаласында өрт сөндіру-құтқару спорты бойынша ерлер арасында XIV және әйелдер арасында VII әлем чемпионаттары өтті. Әлем чемпионатына әлемнің 18 елінен 9 ерлер және 5 әйелдер командалары қатысты. 5 қыркүйек күні өрт сөндіру-құтқару спорты бойынша әлем чемпионаты аясында жарыстың соңғы кезеңі өтті. Командалар жауынгерлік қанат жаю бойынша біріншілік үшін күресті. Өрт сөндіру-құтқару спортының бұл командалық түрі өртке келген кезде өрт сөндірушілердің іс-әрекеттерін көрсетеді. Бұл дисциплинаның мәні — магистральдық жең желісін тез және дұрыс жаю және нысанды су ағынымен «зақымдау». Нысана ортасындағы сыйымдылықты он литр су толтырғаннан кейін зақымданған болып саналады.Қазақстан Республикасының ерлер құрама командасы 25,55 секунд нәтижесімен 1 орынды иеленіп, жалпы командалық есепте 4 орынды иеленді. Шымкент қаласы ТЖД үшін бұл жеңіс екі есе қуанышты, себебі ерлер командасының құрамында жауынгерлік қанат жаюдан үш дүркін әлем чемпионы атанған әріптесіміз Вахиджан Казакбаев өнер көрсетті. Қазақбаев Вахиджан халықаралық дәрежедегі спорт шебері. «Алматы — 2014», «Санкт-Петербург — 2015», «Қарағанды — 2021» жауынгерлік қанат жаю түрінен 3 дүркін әлем чемпионы. 2011 жылдан бастап өрт-құтқару спортымен айналысады. Қазақстан Республикасының ұлттық құрамасы сапында 2014 жылдан бері өнер көрсетуде. ҚР чемпионаттарының жеке түрлері бойынша чемпионы және жүлдегері: оқу мұнарасының 4-ші қабатының терезесіне шабуыл сатысымен көтерілу және 100 м. кедергілері бар жолақтан өту, сондай-ақ командалық түрлерде 4х100 м өрт эстафетасы және жауынгерлік қанат жаю. Халықаралық жарыстар мен әлем чемпионаттарының қатысушысы. Әлем чемпионаттарындағы командалық көріністердің жүлдегері.
Шымкент қаласы ТЖД
