2021 жылғы 15 шілдеде Жамбыл облысы ПД бастығының орынбасары полиция полковнигі Темірбек Оразымбетовтың төрағалығымен тергеу және анықтау бөлімшелерінің 2021 жылғы 6 айдағы жедел-қызметтік жұмысының қорытындысы шығарылды деп хабарлайды Жамбыл облысы ПД баспасөз қызметі.
Көрсетілген кезеңде облыстың ПД тергеу және анықтау бөлімшелерінде қылмыстық істердің сотқа жолдануы бойынша көрсеткіштердің жақсарғаны байқалады. Тергеу желісі бойынша бұл көрсеткіш 2,2% – ға, анықтау желісі бойынша 4,1% — ға өсті. Жедел кеңесте процессуалдық шешімдерді келісу бойынша қылмыстық процестің үш буынды моделін іске асыру барысы және БАҚ-та қызметтік іс-әрекетті жариялау жөніндегі жұмыстың нәтижелері қаралды. Сондай-ақ, қылмыстық процестің үш буынды моделіне кезең-кезеңімен көшуді іске асыру бойынша проблемалар мен оларды шешу жолдары қаралды. Кеңес барысында қалалық және аудандық полиция бөлімдері бастықтарының орынбасарларының атқарылған жұмыстары туралы есептері тыңдалды. Кеңес соңында Жамбыл облысы ПД бастығының орынбасары полиция полковнигі Темірбек Оразымбетов жетекшілік ететін қызметтердің алдына таяу кезеңге міндеттер қойды.
