Қоғамның дамуы мен мемлекетіміздің өркендеуі ең алдымен елге адал қызмет ететін азаматтарға байланысты. Адалдық — адам бойындағы ең асыл қасиеттердің бірі. Ол – шынайылықтың, жауапкершіліктің және рухани тазалықтың көрінісі. Адал азамат өз ісіне берік, елінің игілігі үшін аянбай еңбек етеді.
Бүгінгі жаһандану дәуірінде ел болашағы саналатын жастарға адалдық ұстанымы ауадай қажет. Себебі, адал еңбек қана адамды биікке жетелейді, ал жалғандық пен жалқаулық — қоғамның дамуына кедергі. Сондықтан әрбір жас өз өмір жолында әділдік пен адалдықты серік етсе, еліміздің келешегі де нұрлы болмақ.
Адал адам өз ісінде ғана емес, сөзі мен ойында да шыншыл келеді. Ол уәдесінде тұрады, өзгенің еңбегін бағалайды және елінің намысын қорғайды. Мұндай азаматтар көбейген сайын қоғам да тазарады, сенім де артады.
Қазақстанның дамуы мен болашағы — жастардың қолында. Ал жастардың ең басты қаруы – білім мен адал еңбек. Ел Президенті де өз Жолдауларында: «Әділетті Қазақстан – адал еңбек пен адал ниетке сүйенеді» деп атап өткен.
Сондықтан әрқайсымыз ел тағдырына бейжай қарамай, өз орнымызда адал болуға ұмтылуымыз қажет. Адалдық – ұлттың тірегі, елдің ертеңі.
Ендеше, адал азамат болу – тек өз парызымыз емес, Отан алдындағы қасиетті борышымыз!
«N7 ІТ мектеп-лицейі» КММ
директорының тәрбие ісі жөніндегі орынбасары
Умбетова Айсұлу Тулепбергенқызына