Созақ ауданының дәрігерлері бүгінгі саяси науқанға белсенді қатысып, өз таңдауын жасап жатыр. Оның ішінде Құмкент ауыл округ ауруханасының акушері Феруза Қалабекова бүгінгі күннің маңыздылығын ашып айтып, биылғы сайлау – жарқын бастамаларға, нақты істерге ұйытқы екендігін атап өтті.
Аудандағы барлық сайлау учаскелері интернет желісімен және байланыс телефоны, қосымша электр көздерімен және арнайы басқа да құрал-жабдықтармен толық қамтылған.
Сайлауға алғаш келгендердің қатарында зейнеткерлерден бастап, жұмысшылар, аудан жастары да бар. Созақ ауданы бойынша 39 сайлау учаскесі, 36258 сайлаушы бар.
