Шымкент қаласы ТЖ департаментінің Дағдарыс жағдайларда басқармасына 28 мамырда сағат 15:00-де «103» жедел жәрдем қызметінен хабарлама түсті.
Хабарламада Шымкент қаласы, Әл-Фараби ауданында, Республика даңғылында орналасқан көпқабатты тұрғын үйдің 5-ші қабатынан белгісіз жағдайларда 2020 жылғы қыз бал құлап, орталық аудандық ауруханаға жатқызылғандығы туралы айтылды. Жағдайы орташа ауыр. Оқиғаның орын алу себебін Әл-Фараби аудандық полиция қызметкерлері анықтауда.
Биылғы жылға балалардың терезеден құлауы бұл екінші оқиға болып тіркелді.
Құрметті ата-аналар!
Балаларды үйде қараусыз қалдырмаңыз, әсіресе бала ұзақ ұйықтап жатса да. Көбінесе қайғылы жағдайлар ата-аналар үйде болмаған кезде болады.
Терезелерден жиһазды алып тастаңыз, оның көмегімен бала терезеге көтеріле алады.
МАСАЛАРДАН ҚОРҒАЙТЫН ТОРЛАРҒА СЕНБЕҢІЗ! Олар құлаудан қорғамайды, керісінше, оларға ықпал етеді, өйткені бала оларға сүйеніп, өздерін қауіпсіз сезінеді. Балалар торлармен бірге терезелерден құлап кетеді.
Терезелерді бірнеше сантиметрге ашуға мүмкіндік беретін арнайы құлыптармен жабдықтаңыз.
Терезелерге темір торлар қойыңыз. Олар балаларды құлаудан қорғайды. Бірақ өрт кезінде ашуға оңай болатын торларда арнайы механизм болуы керек екенін есте ұстаған жөн.
Балаңызға терезеден бірдеңе көрсеткенде, балаңызды құрғақ қолыңызбен мықтап ұстауға тырысыңыз. Балалар өте белсенді, тез қозғалады, сондықтан осы сәтте нәрестені мықтап ұстап тұрыңыз. Баланы киімінен ұстамаңыз.
Егер бекіту және сақтандыру жабдықтарын орнату мүмкіндігі болмаса, онда тұтқаларды бұрап, оларды жоғары алып қойыңыз.
Шымкент қ.ТЖД қоғаммен байланыс тобы
