Елорда прокуратурасы бастамашылық еткен жедел-іздестіру іс-шараларын өткізу туралы қаулы шеңберінде Ұлттық қауіпсіздік комитеті департаменті синтетикалық есірткі құралдарын дайындаумен айналысатын зертхананың қызметін тоқтатты.
Жүргізілген жедел-тергеу іс-шаралармен 11 кг астам «мефедрон» синтетикалық есірткі заты, сондай-ақ әртүрлі прекурсорлар және құрылғылар тәркіленді.
Есірткі зертханасы елорда маңындағы елді мекендердің бірінде жұмыс істеген.
Осы факт бойынша сотқа дейінгі тергеп-тексеру жүргізілуде, қатысы бар адамдар ұсталды, олар 15 жылға дейін бас бостандығынан айырылуы мүмкін.
Сонымен қатар, ағымдағы жылы елордалық прокуратураның үйлестіруімен құқық қорғау органдары 4 есірткі зертханасын анықтады.
Есірткі қылмысына қарсы іс-қимыл қала прокуратурасының жеке бақылауында.
