Қала әкімі Әзімбек Пазылбекұлы мен «Amanat» партиясының қалалық филиалының төрағасы Ғаппар Сәрсенбаевтың қатысуымен қала тұрғындарын жеке мәселелері бойынша қабылдау өткізілді. Шара барысында алдын ала жазылған 10 тұрғынның мәселелері тыңдалып, олардың шешімдерін қарастыру үшін нақты қадамдар белгіленді. Қабылдауға келген тұрғындардың сұрағы негізінен тұрғын үй, жұмысқа орналасу, қаланы көгалдандыру, коммуналдық шаруашылық, әлеуметтік сала және жер мәселелеріне қатысты болды.
Қабылдауға келген тұрғындардың бірқатары қалалық инфрақұрылым мен көлік қатынасы мәселелерін көтерді. Мәселен, Бірлік тұрғын алқабында тұратын тұрғындардың бірі №2А қоғамдық көлігін Керейхан көшесіне жүргізу және жол сапасы мен жанындағы көшенің атауын қоюды сұрады. Бұл ұсыныс әкімдік тарапынан қаралып, биыл Бірлік тұрғын алқабына қарасты Шәміл Дүрия көшесіне қиыршық тас төсеу жұмыстары жүргізілгенін атап өту қажет. Алдағы уақытта, сарқынды су жүйесінің абоненттік қазба жұмыстары аяқталғаннан кейін, аталған аумақтағы көшелерге кезең-кезеңімен асфальт төсеу жұмыстары іске асырылатын болады. Сонымен қатар, көше атаулары жазылған тақтайшалар келесі жылы, мердігер анықталған соң орнатылады.
Қабылдауда айтылған мәселелердің барлығы уақыт күттірмей қаралып, маңызды әрі күрделі мәселелер жеке бақылауға алынды. Партияның қалалық филиалы тұрғындардың өтініштеріне дер кезінде жауап беріп, шешімдер қабылдады. Бұл шара тек тұрғындардың мәселелерін шешумен ғана шектелмей, қала әкімдігінің жұмыстарын жақсарту үшін де маңызды болды. Әкімдік тарапынан жүргізілетін жұмыстардың тиімділігі мен тұрғындардың көңілінен шығуы үшін барлық өтініштер мұқият зерделенді.
Қабылдауға келген әрбір тұрғын өз мәселесін тыңдап, оған нақты жауап алғанын айтты. Ғаппар Сәрсенбаев қабылдау барысында партияның алдағы жұмыс жоспарын түсіндіріп, тұрғындармен ашық диалог орнатудың маңыздылығын атап өтті. «Тұрғындардың мәселелерін шешу – біздің басты міндетіміз. Әрбір азаматтың сұрағы назардан тыс қалмайды, әрі оған дер кезінде жауап берілетініне сенім артамыз» деген Ғаппар Сәрсенбаев бұл шаралардың тұрақты түрде өткізіліп тұратынын айтты.
Әкімдік пен партия филиалының арасында тұрғындардың мәселелерін шешуде тығыз байланыс орнату үлкен мәнге ие. Бұл жұмыстарды одан әрі жүйелеу мен нәтижеге бағыттау мақсатында тиісті шаралар қабылдануда. Алдағы уақытта да тұрғындармен қарым-қатынасты нығайту, олардың өтініштерін шешуге бағытталған кешенді жұмыстар жалғасатын болады.
Қабылдау барысында тұрғындармен сындарлы диалог орнату, олардың мәселелерін тыңдап, шешімін табу – тек қоғамдық қауіпсіздік пен тыныштықты қамтамасыз ету ғана емес, сондай-ақ қаланың дамуына үлес қосатын маңызды қадамдардың бірі болып табылады. Әкімдіктің басты міндеті – халықтың тұрмыс сапасын жақсарту және қолайлы өмір сүру жағдайларын жасау, осыған орай әрбір ұсыныс, пікір және өтініш үлкен мәнге ие.
«Amanat» партиясының қалалық филиалының ұйымдастырған бұл қабылдауы, тұрғындардың пікірлерін ескере отырып, қаланың әлеуметтік жағдайын жақсарту жолында маңызды қадам болып саналады.
