Түркістандағы 109 Бірыңғай байланыс орталығына 2024 жылдың басынан бері 100 мыңнан аса өтініш пен ұсыныс түсті. Бұл көрсеткіш өңір тұрғындарының қоғамдық қызметтерге, коммуналдық мәселелерге, білім мен әкімшілік қызметтерге деген қызығушылығын айқын көрсетеді. Өтініштердің 97%-ы телефон арқылы, ал 3%-ы әлеуметтік желілер арқылы жолданған.
Байланыс орталығы тұрғындардың өтініштеріне жедел жауап беруге тырысады, соның ішінде шағымдар бойынша тиісті мекемелерден алынған жауаптар смс-хабарлама түрінде тұрғындарға жеткізіледі. Орталыққа келген әрбір өтініш мұқият қадағаланып, бақылауға алынады. Түркістан облысының әкімі Дархан Сатыбалды, аудан және қала әкімдіктеріне сапасыз қызмет көрсетіп отырғандарын ескере отырып, жұмысты ширатуды тапсырды. «Өзекті, кезек күттірмейтін мәселелерді созбалаңға салмау қажет. Байланыс орталығының жұмысын жетілдірген абзал», – деді ол.
Сонымен қатар, тұрғындар арасында 109 бірыңғай байланыс желісінің маңыздылығын насихаттау жұмыстары қолға алынған. Талдау нәтижесінде 9 айдың қорытындысы бойынша өтініштер саны 13%-ға төмендеді, бұл азаматтардың байланыс орталығына деген сенімінің артып келе жатқанын көрсетеді. Негізінен Түркістан және Кентау қалалары мен Төлеби ауданынан көптеген қоңыраулар түседі.
Орталық қызметі тұрғындардың мемлекеттік қызметтерді алуын жеңілдетеді. Мәселен, азаматтар коммуналдық қызметтер бойынша өтініш білдіргенде, жылдам әрі сапалы жауап алуға мүмкіндіктері бар. Сондай-ақ, білім беру саласындағы мәселелер, әлеуметтік көмек, тұрғын үй және инфрақұрылым жағдайлары бойынша да көптеген сұрақтар қойылады.
«Таза Қазақстан» бағдарламасы бойынша да 20 маусымнан бері 500-ге жуық өтініш қабылданған. Бұл бағдарлама аясында экология және санитарлық-эпидемиологиялық жағдайды жақсарту мақсатында тұрғындардан түскен ұсыныстар қарастырылып, іс-шаралар ұйымдастырылуда. 109 Бірыңғай байланыс орталығы Түркістан облысы тұрғындарының өтініштерін қабылдап, оларды жауапты басқармаларға, аудан және қала әкімдіктеріне, жауапты бөлімдер мен мердігерлерге жолдайды. Орталық өтініштердің толық, сапалы және уақтылы орындалуын қамтамасыз етуге баса назар аударады.
Тұрғындардың проблемалары мен ұсыныстарын ескеріп, жергілікті билік оларға нақты жауап беруге міндетті. Орталықтың жұмысы тұрғындар үшін мемлекеттік қызметтерді алу процесін жеңілдетіп, азаматтардың қоғаммен байланысын арттыруға ықпал етеді. 109 Бірыңғай байланыс орталығының тиімді жұмыс істеуі Түркістан облысының әлеуметтік-экономикалық дамуына оң әсерін тигізеді.
Келешекте байланыс орталығының қызметтерін жетілдіру, халықпен тиімді байланыс орнату және тұрғындардың сенімін нығайту мақсатында жаңа технологиялар мен құралдарды енгізу жоспарлануда. Облыс әкімдігі мен жергілікті басқармалар байланыс орталығының жұмысын тиімді ету үшін барлық қажетті шараларды қабылдауды көздейді. Нәтижесінде, Түркістан облысының тұрғындары өз мәселелерін оңай әрі тиімді түрде шешуге мүмкіндік алады.
