Қаламызда посткеңестік кеңістіктегі елдер арасында ең ауқымды заманауи жылыжай кешені бой көтеріп жатыр. Бұл жоба түркиялық «Alarko Holding» компаниясының қатысуымен жүзеге асырылуда. Қазақстандағы филиалы «Alsera KZ» ЖШС ретінде тіркелген компанияның жалпы инвестиция көлемі 650 миллион АҚШ долларына жетеді. Жоба екі кезеңде іске асырылмақ, алғашқы кезеңде 2026 жылдың соңына дейін 208,45 гектар жерді қамтитын жылыжай кешені салынып, оған 226 миллион АҚШ доллары қарастырылады. Ал екінші кезең бойынша, 441,45 гектар аумақта жұмыстар бес жыл ішінде жүргізіліп, инвесторлар 423,6 миллион АҚШ долларын жұмсайды. Жоба толық жүзеге асқан кезде жылына 155 мың тонна өнім өндіруге қол жеткізу жоспарланған. Сонымен қатар, жаңа кешен 5 мың жаңа жұмыс орнын ашып, аймақтың әлеуметтік-экономикалық жағдайын жақсартуға мүмкіндік береді. Инвесторлар үшін бұл жоба бірқатар жеңілдіктермен қамтамасыз етілген, атап айтқанда «Бозарық» индустриялық аймағының жанынан 208,45 гектар жер учаскесі табиғи грант ретінде бөлінген.
Қазіргі уақытта, яғни 2024 жылдың тамыз айында, шетелдік компания бірінші кезеңнің құрылыс жұмыстарын бастады. Құрылыс жұмыстары қазіргі кезде 10%-ға аяқталды, ал биылғы мамыр айында алғашқы өнімді жинау басталады. Бұл жылыжай кешені тек аймақ үшін ғана емес, Қазақстанның ауыл шаруашылығы үшін маңызды жоба болмақ. Сонымен қатар, 2025 жылы жалпы құны 12,2 миллиард теңгені құрайтын агроөнеркәсіптік кешен саласында 2 тауарлы сүт фермасы мен 3 көкөніс сақтау қоймасы сияқты 5 ірі жоба іске асырылады. Бұл жобалар ауыл шаруашылығына жаңа серпін беріп, 50 жаңа жұмыс орнын ашады. Атап айтқанда, 2 тауарлы сүт фермасы «КХ «Каскасу-С» және «ИП «Эгамназаров» компаниялары арқылы салынатын болады, олардың жалпы құны 3,3 миллиард теңгені құрайды. Ал көкөніс сақтау қоймаларының құрылысы «ТОО «НМИ-Юг», «ТОО «Нур-Алем» және «КХ «Каскасу-С» компаниялары арқылы жүзеге асырылады. Жобалардың жалпы құны 10,5 миллиард теңге болып, олар 50 жаңа жұмыс орнын ашуға мүмкіндік береді. Бұл жобалардың іске асуы тек өңірдің ғана емес, тұтастай елдің ауыл шаруашылығы саласының дамуына елеулі үлес қосып, жаңа жұмыс орындарын ашу арқылы әлеуметтік тұрақтылықты қамтамасыз етеді. Заманауи жылыжай кешенінің құрылысы аймақтың аграрлық секторының бәсекеге қабілеттілігін арттыруға мүмкіндік береді. Сонымен қатар, бұл жоба елдегі азық-түлік қауіпсіздігін қамтамасыз етуде маңызды рөл атқарып, ауыл шаруашылығы өнімдерінің сапасы мен көлемін арттыруға бағытталған.
Бұл туралы, Өңірлік коммуникациялар қызметі алаңында өткен брифинг барысында Шымкент қаласы әкімінің орынбасары, қалалық әкімдіктің ресми өкілі Сәрсен Абайұлы Құранбек мәлімдеді.
