Мемлекеттік қызмет істері агенттігінің Түркістан облысы бойынша департаменті қызметінің басым бағыттарының бірі мемлекеттік қызмет көрсету сапасын бағалауды және мемлекеттік бақылауды жүзеге асыру болып табылады.
Жоғарыдағы көрсетілген міндетті орындау мақсатында және Түркістан қаласының тұрғынының арызы негізінде, аталған шағымды жан-жақты, объективті және толық қарау мақсатында тиісті мемлекеттік органға жоспардан тыс тексеру жүргізілді.
Анықталғандай, қызмет алушымен «Е-лицензия» порталы арқылы тұрғын үй құрылысы үшін жер учаскесіне қосымша жер учаскесін сатыпалуға тиісті мемлекеттік органғаөтініш берілген.
Алайда, қызмет көрсетуші тарапынан өтінішіке жер учаскесін көгалдандыру үшін 3 жыл мерзімге жалға берген.
Демек, қызмет көрсетуші тарапынан қолданыстағы заңнама талаптары сақталмай, қызмет көрсету нәтижесі сұралып отырылған мақсатқа сай емес ұсынылғаны анықталды.
Жүргізілген тексеру нәтижесінің қорытындысы бойынша Департамент тарапынан тиісті түсіндірме жұмыстары жүргізіліп, бұзушылықтарды жою және алдағы уақытта болдырмау туралы ұсыныс енгізілді.
Нәтижесінде, қызмет алушымен аталған мемлекеттік қызметті алу үшін қайта өтініш беріліп, Департаменттің ықпалымен 2024 жылғы 21 тамызда жер учаскесіне қосымша жер учаскесін мемлекеттік бағасымен сатып алу туралы қаулы ұсынылды.
Осылайша, қызмет алушының бұзылған құқығы толықтай қалпына келтірілді.
Айта кету қажет, мемлекеттік қызмет көрсету кезінде құқықтарыңыз бұзылған жағдайда Департаментке Жаңа қала ықшам ауданы 32 көше,
16 ғимарат мекен-жайы бойынша жазбаша түрде, не электрондық түрде «электрондық үкімет» порталы немесе «Е-Otinish» азаматтардың барлық өтініштерін қабылдау мен өңдеудің бірыңғай платформасы және «Kenes 1414 officiall» тelegram-бот арқылы жүгіне аласыз.
Гүлнұр ЕДІЛҚЫЗЫ ҚР МҚІА Түркістан облысы бойынша департаментінің Мемлекеттік қызметтер көрсету басқармасының бас маманы
