Түркістан қаласында өткен «Түркістаным-Тұраным» атты жыр мүшәйрасы және «Түрленген, Гүлденген-Түркістан» атты жас ақындар айтысы, қала әкімдігінің қолдауымен, Түркістан қалалық білім бөлімі мен Түркістан қалалық өнер мектебінің ұйымдастыруымен өтті. Бұл іс-шара «Қала күні» мерекесіне арналып, Қ.Сатпаев атындағы №12 мектебінде ұйымдастырылды.
Шараның мақсаты – жастардың шығармашылық қабілеттерін шыңдап, поэзия мен мәдениеттің дамуына ықпал ету. Байқау барысында 40-тан астам жас ақын өз өнерлерін көрсетті. Бұл жас дарындардың қатысуы, Түркістанның рухани-мәдени өмірін байытып, жастардың поэзияға деген қызығушылығын арттыруға бағытталған.
Байқаудың финалдық кезеңінде 20 үміткер бақ сынап, өздерінің өлеңдерімен көрермендерді баурады. Жас ақындар өз туындыларында Түркістанның сұлулығын, тарихи мәнін және мәдени құндылықтарын шеберлікпен суреттеді. Көрермендер мен қазылар алқасы қатысушылардың өнеріне жоғары бағаларын беріп, ерекше шығармаларды атап өтті.
Нәтижесінде, жүлделі орындарға ие болған №14 мектептің оқушысы Сламхан Ақтілек пен №12 мектептің оқушысы Байтуған Айзере болды. Олардың шығармалары тыңдармандардың жүрегіне жол тауып, жырларының тереңдігімен ерекшеленді. Жеңімпаздарға арнайы сыйлықтар мен дипломдар табыс етілді, бұл олардың шығармашылығына үлкен серпіліс берері сөзсіз.
Айта кету керек, бұл шара Түркістан қаласының жастар мәдениетін дамыту, ақындардың шығармашылық әлеуетін ашу және халықтың мәдени-рухани өміріне жаңа леп қосу мақсатында ұйымдастырылды. Мұндай іс-шаралар жастардың өнерге деген құштарлығын арттырып, олардың өз ойын, сезімін, идеяларын әдебиет арқылы жеткізуіне мүмкіндік береді.
Түркістан қаласы мәдениетінің дамуы мен жастардың шығармашылық белсенділігін арттыру мақсатында ұйымдастырылған бұл байқау, болашақта да жалғасын табары анық. Жас ақындардың поэзиясы – Түркістанның болашағына бағытталған жарқын қадам, жастардың өнер арқылы қала мәдениетін байытуға, жаңғыртуға үлес қосуға деген ұмтылысы.
Байқау соңында қатысушылар мен жеңімпаздарға қалалық білім бөлімінің алғыс хаттары табыс етілді, бұл жастардың өнердегі жетістіктеріне жаңа ынталандыру болады. Түркістанның болашағы жарқын, жастардың шығармашылығы арқылы мәдениеті гүлдене беретініне сеніміміз мол.
