Өзбекстан Республикасы Ташкент қаласында волейболдан 2008-2009 жылы туылған жасөспірім ұлдар арасында халықаралық «LUMAS» лигасы өтті.
Дүбірлі жарысқа 24 команда қатысып, бақтарын сынады. Барлық командалар тас-түйін дайындалып келгендері жарыстың алғашқы күнінен-ақ байқалды. Апта бойы жалғасқан елшілік жарыста «Ақсу Жекпе-жек» спорт клубының шәкірттері барлық қарсыластарын қапыда қалдырып, жеңіске жетті.
Керемет ойын үлгісі мен топтық ұйымшылдықтың нәтижесінде «Ақсу жекпе-жек» спорт клубының шәкірттері волейболдан халықаралық «LUMAS» лигасының чемпионы атанып, арнайы кубок, медальдармен және қаржылай сыйақымен марапатталды.
Спортшыларды жеңіс жолына жетелеуде білікті бапкерлері Кабулжан Эгамбердиев пен Шавкат Усмонтаевтың төккен тері мен тынымсыз еңбегі тұрғаны белгілі.
