Түркістан қаласында экологиялық тазалықты қамтамасыз ету үшін қала әкімінің тапсырмасы бойынша санитарлық тазалау жұмыстары қарқынды жүргізілуде. Бұл шаралар тұрғындардың денсаулығын сақтау, қаланың эстетикалық келбетін жақсарту және экологиялық мәдениетті арттыру мақсатында қолға алынған. Қаланың экологиялық ахуалын жақсартуға әрбір азаматтың қатысуы аса маңызды.
Санитарлық тазалау жұмыстары «Түркістан жарық-тазалық» мекемесі тарапынан атқарылуда. Мәселен, «Жаңа қала» шағын ауданындағы 9 және 11 көшелердегі көпқабатты үйлердің аулалары, қураған шөптер мен күл-қоқыстардан тазартылады. Осындай жұмыстар арқылы тұрғындардың өмір сүру сапасы мен денсаулығы жақсартылады. Аулаішілік тазалық жұмыстары жүргізіліп, жаяу жүргіншілер жолдары сыпырылып, санитарлық талаптарға сай жұмыстар атқарылуда.
Сондай-ақ, С.Қожанов, Ерубаев, Меркемелов, Абдрахманов, Ясауи, Ж. Майкотов, Тәуелсіздіктің 10 жылдығы көшелерінде орналасқан істен шыққан жарықшамдар жаңартылып, қала көшелерінің қауіпсіздігі арттыру мақсатында жұмыстар жүргізілуде. Бұл шаралар тұрғындардың қауіпсіздігін қамтамасыз етіп, қаланың көркін ашуға бағытталған.
«Таза Қазақстан» бағдарламасы аясында апта соңында жалпы қалалық сенбілік өткізу жоспарланып отыр. Сенбіліктің мақсаты – қала аумағын қоқыстан тазарту, саябақтар мен гүлзарларды, аулаларды санитариялық тазалықпен қамтамасыз ету. Тазалық шарасына қала тұрғындарын, кәсіпорын қызметкерлері мен еріктілерді белсенді қатысуға шақырамыз. Бұл – барлығымыздың ортақ міндетіміз!
Түркістан қаласының тазалығы – біздің қолымызда. Экологиялық мәдениетімізді көтеру, табиғатты қорғау – ортақ жауапкершілігіміз. Тазалық шаралары тек қаланың эстетикалық көрінісін жақсартуға ғана емес, тұрғындардың денсаулығына да оң әсер етеді. Таза қала – бақытты тұрғындардың кепілі. Сондықтан, сенбілікке қатысып, қалаңызды таза әрі көркем етуге атсалысыңыз! Түркістанның экологиялық ахуалын жақсартуда өзіңізді жауапкершілік танытып, болашақ ұрпақ үшін таза орта қалыптастыруға үлес қосыңыз.
Тек бірлесе отырып, табиғатымызды сақтап, экологиялық мәдениетімізді арттыра аламыз. Түркістанның тазалығы – ортақ жауапкершілігіміз!
