Түркістан облысында ағымдағы жылдың 18-28 қараша күндері аралығында «Борышкер» жедел-профилактикалық іс-шарасы өткізілуде. Аталмыш іс-шарасы барысында Түркістан ҚПБ-ның Әкімшілік полиция және жергілікті полиция қызметі бөлімінің қызметкерлерімен сот орындаушыларынан құрылған арнайы мобильдік топтар рейдке шықты. Осы мобильдік топтармен іс-шараның 4 тәулігінде құжаттары заңда көрсетілген талаптарға сай келмейтін 35 жүргізуші анықталып, олардың көлік құралдары айыптұраққа қойылды. Сонымен қатар учаскелік полиция инспекторларымен айыппұлды төлемей жүрген азаматтардың тұрғын-үйлеріне барып, түсіндірме жұмыстары жүргізілуде. 125 ескерту парақшалары таратылған. Түрлі құқық бұзушылық жасаған 782 азаматқа әкімшілік құқық бұзушылық хаттамалары толтырылды. Осылайша облыс орталығының тәртіп сақшылары, әкімшілік айыппұл салу туралы қаулыны орындаудың тиімділігін арттыру мақсатында маңызы зор шараға өз үлестерін қосуда. Яғни Түркістан қаласы көлемінде әкімшілік айыппұлдарды өндіру жұмыстарын жандандыру және жеке сот орындаушылармен бірлесіп мәжбүрлі түрде өндіру шараларын өз деңгейінде атқаруда. Өз кезегінде түркістандық полицейлер: Құрметті қала тұрғындары! Егер де, сіз, әкімшілік құқық бұзушылыққа тартылып, айыппұл салынған қаулыңыз болса, ертерек төлеуге тырысыңыз!
ТО ПД баспасөз қызметі
