300 қап пияз тегін үлестіріп, челендж жолдады

Маңғаз даланы иелік еткен қазақ халқының пейілі де жеріндей кең. Шалыс басса көмектесуге, қол созса бос қайтармауға әзер тұратын қасиетті елдің болашақ ұрпақтары да бұл ұстанымды санасына әбден сіңірген.

Соның мысалы ретінде айтар болсақ, жуырда ғана Ақбастау ауылдық округіне қарасты Бірлесу-Еңбек ауылының Жеткерген Оразымбетов, Руслан Ембердиев, Акмал Тұрсынбаев есімді азаматтары 25 гектарға пияз егіп, 51 мың қап өнім алған. Жақсылықты ту еткен тұрғындар Шоқай мен Бірлесу-Еңбек ауылының тұрғындарына 300 қап пиязды үйді-үйге тегін үлестіріп, жұртшылықтың ақ батасын алды. Алдағы уақытта мұндай істер басқада ауылдарға көрсетілетін айтады таразыда салмағы ауыр амалға бет бұрған жастар.

Негізі бұл ауылдың азаматтары өткен жылы да дәл осындай игі іс жасаған болатын. Ол кезде картоп, сәбіз сынды өнімдер тегін үлестірген.

Көптің көңілін көктем еткен кейінгі толқын ұрпақ бұл бастаманы барлық ауылдың азаматтарына жолдап, жалғастырады деген үмітте.

Ақжігіт Жетпісбай, Жамбыл ауданы