Astana Hub қатысушылары салық жеңілдіктерін қолданатын және АКТ саласындағы приоритетті қызмет түрлерінің тізбесі аясында жұмыс атқаратын IT-компаниялар мен стартаптар болып табылады. Бүгінгі таңда Astana Hub-та 650-ден астам қатысушы тіркелген, оның 71-і шетелдік қатысуымен құрылған. Жалпы 3 жыл ішінде олар 235 миллиард теңгеден астам табыс тапқан.
Сондай-ақ, технопарк қатысушыларының арасында салық жеңілдіктеріне ие және есептеу операцияларын орындау және деректерді өңдеу үшін кешенді есептеу инфрақұрылымын қамтамасыз ету бойынша қызметтерді көрсететін компаниялар тіркелген. Бұл дата орталықтары, деректерді өңдеу орталықтары және серверлерді хостингке және т.б. қызметтерін ұсынатын басқа компаниялар. Атап айтқанда, осы қатысушы компаниялар өз қызметтерін кеншілерге ұсына алады.
Осылайша, Astana Hub-та кеншілерді тіркеуге болмайды, бірақ онда кеншілерді инфрақұрылыммен қамтамасыз ететін компаниялар тіркеу мүмкін. Astana Hub қолданыстағы заңнама аясында әрекет еткенін атап өткіміз келеді.
Сонымен бірге, ҚР ЦДИАӨМ кеншілерге инфрақұрылымды қамтамасыз ететін компанияларды приоритетті қызмет түрлерінің тізімінен алып тастау үшін аталмыш тізімді өзгерту бойынша жұмыс жүргізуде. Тізімді жаңартқаннан кейін, Astana Hub жоғарыда аталған компаниялардың барлығын салық жеңілдіктеріне ие технопарк қатысушыларының қатарынан алып тастайтынын мәлімдейді.
Astana Hub баспасөз қызметі, PR және маркетинг бөлімінің аға менеджері Алтынгүл Жанабай
