Еліміздің дамуы мен тұрақтылығы ең алдымен халық арасындағы бірлік пен татулыққа байланысты. Бірлігі бекем ел қашанда биік жетістіктерге жетіп, болашағын нық қалыптастырады. Сондықтан қоғамдағы келісім мен өзара сыйластықты сақтау – әр азаматтың маңызды міндеті.
Қазақстан – көпұлтты және көпмәдениетті мемлекет. Әртүрлі ұлт пен дін өкілдерінің бір шаңырақ астында тату өмір сүруі – еліміздің басты құндылықтарының бірі. Халықтар арасындағы достық пен түсіністік қоғамдағы тұрақтылықты нығайтып, елдің өркендеуіне жол ашады.
Бірлік пен келісімді нығайту ең алдымен отбасынан басталады. Ата-ана баласына мейірімділік, құрмет, төзімділік сияқты қасиеттерді сіңіруі керек. Мектеп пен жоғары оқу орындары да жастарды патриоттыққа, адамгершілікке және өзге ұлт өкілдерін сыйлауға тәрбиелеуде үлкен рөл атқарады.
Сонымен қатар қоғамда әділдік пен теңдік болуы маңызды. Адамдар бір-бірінің тіліне, дініне немесе ұлтына қарап бөлінбеуі керек. Өзара түсіністік пен құрмет бар жерде ынтымақ та сақталады.
Ел ішіндегі бірлікті сақтауда мәдени іс-шаралар мен қоғамдық жобалардың да маңызы зор. Олар халықты жақындастырып, ортақ құндылықтарды дәріптейді. Әсіресе жастар арасында достық пен ынтымақты насихаттау болашақтың берік негізін қалайды.
Түркістан облысы Сауран ауданы әкімдігінің ұйымдастыруымен 1 мамыр – Қазақстан халқының бірлігі күніне орай тағылымы терең, мазмұны бай мерекелік іс-шара жоғары деңгейде өтті. Аталған шара аясында Сауран аудандық өзбек этномәдени бірлестігі мен Аналар кеңесі бірлесе отырып, қолөнер бұйымдары мен ұлттық тағамдар көрмесіне белсене қатысты.
Көрмеде ұлттық құндылықтар кеңінен насихатталып, қазақ және өзбек халқының салт-дәстүрі, тұрмыс-тіршілігі, қолөнер шеберлігі мен аспаздық мәдениеті көпшілік назарына ұсынылды. Шебер аналар өз қолдарымен жасаған әсем бұйымдарын таныстырып, олардың жасалу жолдары мен маңызын түсіндірді. Әсіресе, ұлттық нақыштағы кестелер, тоқыма бұйымдар мен тұрмыстық заттар көрермендердің ерекше қызығушылығын тудырды.
Сонымен қатар, ұлттық тағамдар көрмесінде әртүрлі дәмді ас мәзірлері ұсынылып, келген қонақтарға дәм татқызылды. Бұл өз кезегінде халықтар арасындағы достық пен татулықтың, мәдени алмасудың жарқын көрінісіне айналды.
Іс-шараның басты мақсаты – ел ішіндегі бірлік пен келісімді нығайту, түрлі этнос өкілдерінің мәдениетін құрметтеу және өскелең ұрпаққа ұлттық құндылықтарды дәріптеу болды. Осындай игі бастамалар қоғамдағы тұрақтылық пен өзара түсіністікті арттыра түсетіні сөзсіз.
