2023 жылдың 1 қыркүйегінен бастап Беларусь Республикасы мен Қазақстан Республикасының data matrix кодымен таңбаланған аяқ киім бұйымдарын Қазақстанға әкелуге және айналымға енгізуге, сондай-ақ, ЕАЭО кодтарды өзара танудың арқасында тауарларды Қазақстаннан Беларусь Республикасына экспорттау үрдісі жеңілдетілді.
Таңбалау кодтарын танудың жаңа әдісі келесідей жұмыс істейді: Беларусь Республикасындағы тауар айналымына қатысушы, ол өндіруші, импорттаушы немесе дистрибьютор болсын, Беларусь Республикасының тауарларды таңбалау жүйесінде тауарды Беларусь Республикасынан ЕАЭО елдеріне жөнелту үшін Қазақстандағы импорттаушының деректерін көрсетіп: ұйымның атауы, ЖСН/БСН және ел, құжатты жасайды. Одан әрі жөнелту құжатындағы деректер тауарларды таңбалау мен қадағалаудың қазақстандық жүйесіне автоматты түрде түседі, ал өнімнің өзі туралы ақпарат тауарлардың ұлттық каталогына түседі. Осы мәліметтер негізінде қазақстандық импорттаушы тауарды қабылдап, оны Қазақстан аумағында айналымға шығарады. Қазақстандық тауарларды Беларусь Республикасының аумағына экспорттау да осындай жолмен жүзеге асады.
Айта кету керек, бұрын таңбалау кодтарын тану уақытша схема бойынша жүзеге асырылса, кодтарды танудың жаңа әдісі қазақстандық импорттаушылар мен экспорттаушылардың жұмысын жеңілдетеді, осылай ол трансшекаралық сауда мүмкіндіктерін дамытады.
Естеріңізге сала кетейік, Беларусь Республикасында 2020 жылдың 1 шілдесінен бастап аяқ киімді таңбалау және қадағалау міндетті болып табылады және таңбаланбаған аяқ киімнің айналымына тыйым салынады. Елдер арасындағы өзара танылған таңбалау кодтары барлық қазақстандық аяқ киімді импорттаушыларға Беларусь таңбалау кодтарымен таңбаланған өнімді Қазақстандағы айналымға шығаруға мүмкіндік береді, сондай-ақ, барлық қазақстандық өндірушілер мен аяқ киім экспорттаушыларына таңбаланған өнімді Қазақстан Республикасының аумағында қосымша шығындарсыз, тек қазақстандық деректер кодының матрицасымен таңбаланған тауарды айналымға шығаруға мүмкіндік береді. Қазақстанда 2021 жылдың 1 қарашасынан бастап аяқ киім өнімдерін міндетті түрде таңбалау енгізілді, ал 2023 жылдың 1 сәуірінен бастап таңбаланбаған аяқ киімді сатуға тыйым салынды
