Мәдениет саласының қызметкері ретінде ұлттық құндылықтарды дәріптеу, қоғамдық келісім мен бірлікті нығайту – біздің ортақ міндетіміз деп санаймын. Осы тұрғыдан алғанда, 23 тамызда өтетін сайлау – еліміздің қоғамдық-саяси өміріндегі маңызды оқиға.
Сайлау – әрбір азаматтың өз азаматтық ұстанымын заң аясында білдіруге мүмкіндік беретін демократиялық үдеріс. Бұл – қоғам өміріне белсенді қатысудың, елдің болашағына деген жауапкершілікті сезінудің көрінісі. Сондықтан сайлауға қатысу – әр азаматтың конституциялық құқығы әрі саналы таңдауы.
Мәдениет қоғамды біріктіретін маңызды күш болғандықтан, өзара сыйластық, заңға құрмет және қоғамдық тұрақтылық сияқты құндылықтардың маңызы зор. Сайлау үдерісінде ашықтық, әділдік және заң үстемдігі қағидаттарын сақтау азаматтардың сенімін нығайтып, қоғамның бірлігіне ықпал етеді.
23 тамыз күні әрбір азамат өз таңдауын жасап, азаматтық көзқарасын білдіре алады. Елдің тұрақты дамуы мен жарқын болашағы әрқайсымыздың жауапкершілігімізге де байланысты. Сондықтан сайлауға қатысу – ортақ іске деген жауапкершіліктің, ел ертеңіне деген сенімнің және белсенді азаматтық ұстанымның маңызды көрінісі.
Е.Тоғысбаев
