Мақтаарал аудандық полиция бөлімінің қызметкерлері әсері күшті психотроптық дәрі-дәрмектерді сату, қолдану деректерінің алдын алу мақсатында, күнделікті рейдтік-профилактикалық іс-шараларды жүргізіп келеді. Осындай кезекті тексеру кезінде полицияға «Трамадол» дәрісін қолданатын ер адам жөнінде хабарлама келіп түсті.
Ақпарат түсісімен полицейлер жедел іске кірісті. Сезікті тұрғын мен оның мекенжайын іздестірді. Нәтижесінде күдіктінің жеке басы анықталды. Ол Мақтаарал ауданының тұрғыны болып шықты. Тәртіп сақшылары тұрғының қалтасынан 40 дана «Трамадол» дәрісін тәркілеп алды.
Полицейлер аталған жайтты ҚР ҚК-нің 296-бабы «Есірткі, психотроптық заттармен, сол тектестермен өткізу мақсатынсыз заңсыз жұмыс істеу» тіркеді. Сотқа дейінгі тергеу амалдары жүргізілуде.
