Жылыту маусымының жақындауына байланысты мамандар қала тұрғындарын барынша абай болуға шақырады. Әсіресе жеке үйлерде тұратын азаматтарға пеш пен түтін мұржаларын уақытылы тазалап, ақауларды жөндеу – басты талап болып отыр. Пештің ішіне жиналған күйе газдың дұрыс шығуына кедергі келтіріп, улану қаупін арттырады. Сондықтан әрбір отбасы бұл мәселеге жауапкершілікпен қарауы тиіс.
Сондай-ақ газ қондырғыларын пайдаланғанда қауіпсіздік ережелерін сақтау аса маңызды. Бөлмелерді жиі желдетіп тұру, газ плитасын немесе жылытқышты бақылаусыз қалдырмау – төтенше жағдайдың алдын алатын қарапайым амалдар. Төтенше жағдайлар қызметі мен коммуналдық сала мамандары өрттің алдын алу және улы газдан уланудың болдырмау үшін қарапайым ережелерді естен шығармауды ескертеді. Әсіресе балаларды қараусыз қалдырмау, тұрмыстық құралдарды дұрыс қолдану – баршаның қауіпсіздігіне кепіл.
Жылыту маусымына дайындық барысында қала аумағында жоспарлы тексерістер жүргізілуде. Төтенше жағдайлар департаментінің мамандары көпқабатты үйлердегі жертөлелер мен газ қондырғылары бар нысандарды аралап, қауіпсіздік талаптарының орындалуын бақылап отыр. Қауіпсіздік ережелерін сақтамаған жағдайда әкімшілік шаралар қолданылатыны да ескертіледі.
Мамандардың айтуынша қайғылы жағдайлардың басым бөлігі қарапайым қауіпсіздік ережелерін сақтамаудан туындайды. Құтқарушылар тұрғындарды қондырғыларды қолданғанда жауапкершілікті күшейтуді ұсынады.
Алдағы уақытта төтенше жағдайлар қызметі мен жергілікті полиция бөлімдері бірлесіп, тұрғындар арасында түсіндіру жұмыстарын жалғастырмақ. Әсіресе мектеп оқушыларына, жастарға және ата-аналарға бағытталған арнайы шаралар ұйымдастырылады. Бұл жұмыстардың барлығы тұрғындардың өмірі мен денсаулығын қорғауға бағытталған.
Қауіпсіздік – тек құтқарушылардың немесе коммуналдық қызметтердің ғана емес, әрбір азаматтың ортақ міндеті. Жылыту маусымында да, суға шомылу кезеңінде де қарапайым ережелерді қатаң сақтау – өз өмірімізді және жақындарымыздың амандығын қорғаудың ең тиімді жолы.
