Түркістан облысының полицейлері «Жалданушы — 2023» іс-шарасы аясында халықаралық іздеуде жүрген 2 шетелдік азаматты ұстады. 2021 жылдан бері халықаралық іздеуде жүрген 54 жастағы Өзбекстан азаматын Отырар ауданында ұстады. Ер адам өз елінде «Ұрлық» бабы бойынша көзделген ауыр қылмыс жасағаны үшін іздестірілген.
Бір тәуліктен кейін алаяқтық жасағаны үшін халықаралық іздеуде жүрген 33 жастағы Өзбекстанның тағы бір азаматын ұстады. Іздеуде жүрген екі қылмыскер де деструктивті-діни ағымның жақтаушылары ретінде есепте тұр. Оларға қатысты тиісті процессуалдық шешім қабылданатын болады.
Түркістан облысы ПД баспасөз қызметі
