Сарыағаш ауданындағы Тегісшіл ауылдық округіндегі 3 ауылда 36 көшеге орташа жөндеу жұмыстары жүргізілді. Аудан әкімі Арман Абдуллаев «Ауыл–Ел бесігі» бағдарламасы аясында елді мекендердің көшелеріне жүргізілген жолдарды жөндеу жұмыстарының сапасын бақылады. Тегісшіл, Таскескен, Мәдениет елді мекендерінде жалпы ұзындығы 29,3 шақырым жол ретке келтіріліп, көршіліктің тілегі орындалды.
Құрылыс жұмыстарымен танысқан аудан басшысы ауданның жолаушылар көлігі және автомобиль жолдары бөлімінің басшысы М. Досполовқа жолдың сапасын мұқият тексеріп, анықталған кемшіліктер бойынша мердігер мекемеге орындалуын бақылауға алуды тапсырды. Сонымен қатар, жол активтері ұлттық сапа орталығына жөндеу жұмыстарының сапасы бойынша ұсыныс беруді жүктеді.
