Қаратау ауданында тұрғындарға қауіпсіз, таза және жайлы орта қалыптастыру мақсатында аудан аумағында жүргізіліп жатқан жұмыстар жүйелі түрде бақылауда ұсталып отыр. Бұл бағыттағы шаралар қоғамдық инфрақұрылым, санитарлық тазалық, жолдар мен жарықтандыру жүйелерінің сапасын арттыруға бағытталған.
Аудан аумағында Бәйдібек би даңғылы бойындағы ашық кәріз құдықтары, санитарлық тазалық, көшелердің жарықтандыруы, жаяу жүргіншілер жолдарының жағдайы және казылып жатқан аумақтардың қалпына келтірілуі тексерілді. Мұндай тексерулер тұрғындардың қауіпсіздігі мен ауданның көркі үшін аса маңызды болып отыр.
Су жиналатын нүктелерге насос орнату жұмыстары ұйымдастырылды, бұл су жиналу мәселесін шешуге және тұрғындар үшін қауіпсіз орта қалыптастыруға мүмкіндік береді. Сонымен қатар, «Нурсәт» шағын ауданында, Қаһарман көшесінде орнатылып жатқан жаңа жарық шамдарының жұмысы тексеріліп, олардың сапасы мен қауіпсіздік талаптарына сәйкес келуі қадағаланды. Жарықтандыру жұмыстары аяқталған соң, жаяу жүргіншілер жолдары топырақтан толық тазартылып, тұрғындардың қауіпсіз қозғалысы қамтамасыз етіледі.
Аудан аумағында жүргізіліп жатқан әрбір жұмыс күнделікті бақылауға алынады. Жол жөндеу, абаттандыру, жарықтандыру немесе санитарлық шаралар тиісті мамандар тарапынан тексеріліп, кемшіліктер жойылады. Мұндай жүйелі бақылау тұрғындарға жайлы өмір сүру ортасын қамтамасыз етуге және қоғамдық орындардың қауіпсіздігін арттыруға мүмкіндік береді.
Басты мақсат – тұрғындарға қауіпсіз, таза және жайлы орта қалыптастыру. Осы бағыттағы жұмыстар жүйелі түрде әрі қарқынды жалғасады. Аудан әкімдігі тұрғындарды өздерінің және қоғамдық орындардың қауіпсіздігі мен тазалығына жауапкершілікпен қарауға шақырады. Тұрғындардың белсенділігі мен әкімдік бақылауы бірлесе әрекет еткен жағдайда, ауданның көркі мен санитарлық ахуалы жақсарып, қалалық орта тұрғындарға ыңғайлы әрі қауіпсіз болады.
Аталған шаралар ауданның көрікті келбетін сақтауға, қауіпсіздік деңгейін арттыруға және тұрғындардың өмір сүру сапасын жақсартуға бағытталған. Қаратау ауданы әкімдігі атқарылып жатқан жұмыстардың сапасын тұрақты түрде қадағалап, кемшіліктерді дер кезінде жоюға ерекше мән береді. Әрбір тұрғын мен нысан иесінің жауапкершілігі – ауданды таза, қауіпсіз және жайлы етуге қосқан маңызды үлес болып табылады.
