Тұрмыстық зорлық-зомбылық жайты қоғамымыздағы ең өзекті мәселелердің біріне айналды. Әлеуметтік жағдайдың төмендігі, жұмыссыздық, ақша жетіспеушілігі сынды қиындықтар қаншама шаңырақтың шайқалуына түрткі болып отыр. Салдарынан, ерлі-зайыптылардың арасында агрессивті қарым- қатынас орнап, соңы қол көтеру, денсаулыққа ауыр зиян келтіру, тіпті адам өліміне дейін жеткізуде.
Күйеуінен қысым көрген әйелдер қорғану мақсатында тәртіп сақшыларының көмегіне жүгінуге мәжбүр. Өйткені, ашу үстінде орын алатын жағдайлардың кесірі балаға тиіп кете ме деп қорқады. Нәтижесінде, ұрыстан көз ашпайтын отбасында қорқақ, өз ойын ашық жеткізе алмайтын, әке мен ананың мейіріміне зәру, әлсіз перзенттер өседі.
Тұрмыстық зорлық-зомбылық – отбасы тұрмыстық қатынастар аясында бір адамның басқаға қатысты дене зардабын және психикалық зардап келтіретін немесе келтіру қаупі бар құқыққа қарсы қасақана әрекеті. Көбінесе, әйелдер мен балалар тұрмыстық зорлық-зомбылықтың құрбандары болып табылады. Сондықтан қоғам болып билік пен бірге зорлық-зомбылықтың алдын алуға ат салысуымыз қажет. Осы ретте қоғамдағы зорлық-зомбылық деңгейін төмендету үшін жүйелі шаралар қабылдау қажет.
Ағымдағы жылдың 25-қараша мен 10-желтоқсан аралығында «Зорлық-зомбылықсыз 16 күн» республикалық іс-шарасы өткізілуде.
Осы ретте Абай ауданы Полиция басқармасы Әйелдерді зорлық-зомбылықтан қорғау тобының инспекторлары полиция подполковнигі Айнұр Қарабаева мен полиция майоры Гулвира Бектемисова №53 жалпы орта мектеп оқушыларымен кездесу өткізді. Іс-шара барысында балаларға отбасылық-тұрмыстық қатынастардағы олардың заңды құқықтары бойынша түсіндірілді.
Полиция қызметкері оқушыларға мұндай жағдайларда олар әрдайым мектеп психологына, сондай-ақ кәмелетке толмағандар ісі жөніндегі инспекторға жүгіне алатындығын еске салды.
«Қазақстан Республикасы заңдарымен кепілдік беретін әйелдердің конституциялық құқықтары және отбасында кездесіп тұратын әйелдер мен балалар мәселелерін реттейтін заңдылықтардың бұзылуына жол бермеу туралы түсіндірілді», – деді полиция подполковнигі А. Қарабаева.
Сөз соңында оқушылар арнайы мамандарға сауалдарын жолдап, өзара пікір алмасты.
